Ritmica per affons pigns

L’instrucziun da ritmica promova igl affon a moda cumplessiva (musica e moviment). Igl affon survegn la pusseivladad da s’occupar activamein cun ils pli differents aspects dalla musica. Quei cun agid dil moviment, cul material da ritmica, dad instruments, da versets, canzuns e historias. Aschia vegn exercitau da tedlar, da reagir e da seconcentrar a moda termaglionta. Ils affons vegnan plidentai entras l’expressivitad dalla musica. Cun semplas metodas vegn l’interacziun denter affon e musica nezegiada per exercitar ed alzar la musica en la schientscha. La ritmica prepara igl affon per l’instrucziun sequenta da musica.

Quei cuors ei mo pusseivels per affons en la vegliadetgna denter 4 e 5 onns. Il cuors cuosta CHF 80.00 per 8 lecziuns à 50 minutas e vegn menaus atras cun ca. 6 affons.