Certs instruments ein fetg adattai per l’instrucziun en gruppa, perquei ch’il sunar communablamein motivescha e fa grond plascher. Premissa per l’instrucziun en gruppa ei in nivel semegliont.

• Accordeon, orgelin da maun da Sviz, 2–3 scolar(a)s
• Instrument da stuors, 2–3 scolar(a)s
• Flauta, 2–3 scolar(a)s
• Schumber (tamburs), 2–3 scolar(a)s
• Ghitara, 2–3 scolar(a)s

Il cuors cuoza mintga jamna denter 40–50 minutas tenor la grondezia dalla gruppa.

Teoria da musica en gruppas sin damonda

Instrucziun en gruppa

Emprovas communablas, experiments musicals, exercezis e concerts avon in publicum. Il far musica communablamein sveglia la cumpetenza sociala e promova il success communabel.

• Bands
• Ensembles da jazz
• musica da combra
• gruppas da cant

La frequentaziun d’in ensemble pretenda per regla la frequentaziun parallela d’instrucziun.