Scola media mercantila (SMM)
La scola media commerciala ei ina scola media cun in examen professiunal renconuschiu. La scolaziun cuozza cugl onn da practicum quater onns. Ella ei ina scolaziun a temps cumplein e cumbinescha savida generala sereferend alla professiun. La scolaziun vegn terminada cun igl attest federal da qualificaziun commercianta/commerciant e la maturitad professiunala (BM1).
En nossa scola media mercantila san las persunas en scolaziun era acquistar diploms da lungatg jester per engles (FCE-B2). L’instrucziun prepara las scolaras ed ils scolars sils examens dils certificats.
Il quart onn da formaziun prepara ils scolars e las scolaras silla veta professiunala. Las persunas en scolaziun disponan duront il practicum da lur atgna paga (paga da practicum).
Igl attestat da qualificaziun possiblitescha igl access direct ella veta professiunala. La maturitad professiunala possibilitescha l’entrada senza examen ad ina scol’aulta dil fatg (per ex. Scol’aulta dil fatg Grischun). Ulteriuras pusseivladads e direcziuns catteis sutvart.
Durada da scolaziun
3 onns scola a temps cumplein
1 onn practicum en in menaschi
Premissas
Per entrar ella Scola media propedeutica ei la premissa da dumignar ils examens d'admissiun cantonals. Access a quels han scolaras e scolars dalla secunda e tiarza secundara.
Roms d'examen ein:
- tudestg ni romontsch
- engles
- aritmetica
- geometria
Plinavon quenta per ils scolars/las scolaras dil secund scalem superiur la nota d'admissiun.
Annunzia pigl examen d'admissiun
- Annunzia ZAP 2025 (november - miez schaner)
- Ordinaziun davart igl examen d'admissiun
Examens d'admissiun dils onns anavos
Examens vegls cargar giu cheu
Cuors da preparaziun pils examens d'admissiun 2024/2025
Formular d'informaziun cargar giu cheu
Annunzia online cheu
Tabla da lecziuns e plan d'instrucziun
Diploms
Alla fin dalla scolaziun retschevis Vus ina dubla finiziun:
- igl attest federal da qualificaziun (afq) da commerciantA che lubescha d'entrar ella veta professiunala.
- la maturitad professiunala (BM1), cun la quala Vus saveis entrar senza examens ella scol'aulta dil fatg (p.ex. Scol'auta dal fatg Grischun)
Ulteriuras vias:
- via il precuors ella EMS Schiers alla Scol'auta da pedagogia Grischun (SAP)
- via la passarella directamein all'universitad
Reglaments interns da scola
mira reglements