Instruments da lenn
FLAUTA DA BLOC
Flautas existan en differentas grondezias, fuormas e materialias.
Stils da musica: Reneschientscha, baroc, moderna e musica populara.
Pusseivladads: instrument da solo, musica da combra
Nossa purschida: Instrucziun singula, instrucziun en gruppa
Cuors elementar I cun flauta (1.–2. classa)
Cuors elementar II cun flauta (2.–3. classa).
Video flauta da bloc
Persunas d'instrucziun
CLARINETTA
La clarinetta auda tier ils instruments da lenn. Ella consista ord in bischel cilendric cun ruosnas e clappas ch’ei partius en quater parts ed ord in buchin cun ina lamella.
Stils da musica: tut ils stils, cunzun classica, musica populara e musica instrumentala.
Pusseivladads: Instrument da solo, musica da combra, formaziuns dalla musica populara, musica da harmonia.
Nossa purschida: Instrucziun singula
Video clarinetta
Persuna d'instrucziun
OBOA
L’oboa ei in instrument da lenn. Ella fascinescha cunzun entras siu tun pregnant. Quel sa esser rodunds, mintgaton loms e magari era raucs. L’oboa vegn baghegiada ord lenn d’eben. Il bubriel fuorman dus lennets da canna.
Stils da musica: tut ils stils dil baroc tochen la moderna.
Pusseivladads: Instrument da solo, musica da combra, orchester da harmonia, Orchester, Orchester sinfonic, ensemble d’oboas.
Nossa purschida: Instrucziun singula
Video oboa
Persuna d'instrucziun
FLAUTA TRAVERSA
La flauta traversa auda tier ils instruments da lenn. Quei schegie ch’ella ei construida ord metal. Oriundamein vegneva ella construida ord lenn ed haveva mo 6 ruosnas ed ina clappa. La flauta traversa d’ozildi ha pliras clappas e sa esser construida ord lenn, metal, denton era da metals prezius sco argien ni aur.
Stils da musica: classica, pop, rock, jazz, folclora
Pusseivladads: Instrument da solo, musica da combra, orchester da harmonia, orchester sinfonic, band, Bigband
Nossa purschida: Instrucziun singula
Video flauta traversa
Persunas d'instrucziun
SAXOFON
Il saxofon vegn bein construius ord metal, auda denton tier ils instruments da lenn pervia dalla formaziun da tun. Ina lamella da canna vegn numnadamein fermada vid il buchin e quella procura per il tun.
Stils da musica: naven da classica tochen jazz, blues e funk, pop etc.
Pusseivladad: Instrument da solo, formaziuns da jazz, pop, rock, funk, quartet da saxofon, Bigband, orchester da harmonia etc.
Nossa purschida: Instrucziun singula
Video saxofon
Persuna d'instrucziun
FAGOT
Il fagot auda tier ils instruments da flad da lenn. Cunquei ch’el damogna a moda meisterila ils tuns profunds, suna el pil solit la vusch dil bass egl orchester classic. Il buchin dil fagot ei in schinumnau “bubriel” che vegn formaus da dus lennets da canna. Igl ambitus da quei instrument survarga 4 octavas, aschia ch’el vegn era savens duvraus per bellezia melodias.
Per ils affons succeda l’entschatta cun in aschinumnau fagottino (fagot per affons). L’instrucziun sa entscheiver naven da circa 7 onns. Ils biars entscheivan circa cun 10 onns. Sco ch’igl affon po tener igl instrument, e sco ch’el contonscha las clappas cun la detta sa ei entscheiver.
Stils da musica: Dil baroc tochen musica contemporana
Pusseivladads: Instrument da solo, musica da combra, orchester da harmonia, Orchester, Orchester sinfonic,
Nossa purschida: Instrucziun singula