Instruments a corda
VIOLINA
La violina auda tier la famiglia dils instruments a corda. Cun strihar cugl artg sur las cordas sefuorma siu tun. Igl artg vegn tratgs si cun cavels da cavagl. La violina ei il pli pign instrument a corda.
Stils da musica: baroc, classica, pop, rock, jazz, musica populara
Pusseivladads: Instrument da solo, musica da combra, orchester d’instruments a corda, orchester sinfonic
Nossa purschida: instrucziun singula, instrucziun en gruppa egl orchesterAcorda
Video violina
Persunas d'instrucziun
VIOLA
La viola vegn savens numnada la «sora gronda» dalla violina ed ei accordada ina quinta (5 tuns) pli bass. Ella vegn tenida e strihada exact sco la gegia. Ins savess scumbigliar ils dus instruments, denton ei la viola pli gronda, proporziunada auter e tuna pli bass ed era pli stgir.
Stils da musica: Baroc, classica, pop, rock, jazz, musica populara
Pusseivladads: Instrument da solo, musica da combra, Orchester d’instruments a corda, orchester sinfonic
Nossa purschida: Instrucziun singula, instrucziun en gruppa egl orchesterAcorda
Video viola
Persunas d'instrucziun
VIOLONCELLO
Il violoncello auda tier ils instruments a corda. El vegn sunaus enten seser. Igl artg streha sur las cordas e procura per il tun. In entir cello mesira senza la guila ca. 120 cm. Per affons dat ei differentas grondezias. Il tun dil cello ei caulds ed ils cumponists numnan savens quei instrument «la vusch dil cor».
Stils da musica: baroc, classica, pop, rock, jazz, musica populara
Pusseivladads: Instrument da solo, musica da combra, Orchester d’instruments a corda, orchester sinfonic
Nossa purschida: Instrucziun singula, instrucziun da gruppa egl orchesterAcorda
Video violoncello
Persuna d'instrucziun
CUNTERBASS
Il cunterbass auda tier la famiglia dils instruments a corda. In instrument per carschi mesira circa 180 cm altezia ed ha quater cordas ch’ein accordadas en intervals da quartas.
Stils da musica: baroc, classica, jazz, musica populara
Pusseivladads: Instrument da solo, musica da combra, orchesters, formaziuns da jazz e da musica populara
Nossa purschida: Instrucziun singula, orchesterAcorda